A área de Cultura de Lugo investiu máis de 21.000 euros na animación musical das festas parroquiais
A Concelleira de Cultura, Turismo e Promoción da Lingua, Maite Ferreiro, subliñou a colaboración da Tenencia de Alcaldía coas distintas comisións de festas das parroquias de Lugo. Ferreiro explicou que neste 2025 xa se colaborou con 47 parroquias, cun investimento de 21.150 euros nas diferentes celebracións.
A responsable municipal destacou que as comisións organizadoras contan con grupos de música de todos os estilos, sendo a Área de Cultura a encargada de cubrir o pagamento das agrupacións para facilitar que a cultura chegue a todas as parroquias e barrios da cidade.
Cada parroquia ou barrio pode recibir 450 euros para a animación musical, sendo as solicitudes presentadas polos integrantes das comisións ou asociacións organizadoras ante a Área de Cultura. Os servizos técnicos municipais avalián as solicitudes e, posteriormente, a Área facilita a contratación do grupo musical.
O Goberno de Lugo apoia todas as agrupacións musicais da cidade, incluíndoas nas actividades culturais e promovendo ciclos exclusivos como o Muralleando, pensado para dar visibilidade ás formacións locais.