A Asociación Axel pon en marcha o proxecto 'Comprométete con Lugo'
LugoXa
Calquera que se achegue ao posto cun tíquet de compra no pequeno comercio con data posterior ao 15 de outubro, levará un agasallo
6 Nov 2024
A Asociación Axel, a través das subvencións para proxectos de dinamización económica do Concello de Lugo, desenvolve o proxecto 'Comprométete con Lugo'.
Desta maneira, durante o mes de novembro o posto de 'Comprométete con Lugo', estará en diferentes lugares da cidade cos aneis como protagonistas e símbolo de compromiso.
Calquera que se achegue ao posto cun tíquet de compra no pequeno comercio con data posterior ao 15 de outubro, levará un agasallo de balde.
Así, o obxectivo é promover o comercio local na vila lucense, xa que, din, "comprometerse co de preto ten sempre premio".