A asociación de San Xoán de Pena impulsa un curso sobre actuacións comunitarias en emerxencias

A formación, de dez horas, celebrarase os días 12 e 15 de decembro no Colexio de Nadela

A asociación de San Xoán de Pena, en Nadela, vén de anunciar a organización dun curso formativo teórico-práctico centrado nas actuacións comunitarias en situacións de emerxencia.

A actividade desenvolverase nun total de dez horas distribuídas en dúas sesións previstas para os días 12 e 15 de decembro, en horario de 16:00 a 21:00 horas, nas instalacións do Colexio de Nadela.

A iniciativa busca ofrecer ferramentas e coñecementos que permitan reforzar a resposta comunitaria ante incidentes que poidan xurdir no contorno, ademais de mellorar a capacidade de intervención das persoas participantes.

A organización anima a veciñanza a inscribirse para adquirir habilidades que poderán ser clave en casos de necesidade.