A Asociación Gatos Roxos organiza unha charla sobre saúde auditiva
A Asociación de Veciños Gatos Roxos das Gándaras acollerá o vindeiro 19 de xuño unha charla sobre saúde auditiva organizada coa colaboración de ACOPROS. O acto terá lugar ás 19:30 horas no local da entidade veciñal.
Esta actividade ten como obxectivo principal concienciar sobre a importancia do coidado da saúde auditiva, explicar como identificar os primeiros síntomas dunha perda auditiva e que pasos se poden dar ao respecto.
Ademais, compartirán coñecementos clave sobre prevención e promoción da saúde auditiva, coa intención de contribuír a mellorar a calidade de vida das persoas.
A iniciativa enmárcase nun compromiso pola saúde comunitaria e a divulgación de información útil e accesible para todos os públicos, especialmente nun ámbito como a audición, fundamental para o benestar e a comunicación.