A Asociación Hipócrita Teatro organiza dúas funcións para este sábado

Lucía Álvarez poñerá en escena o seu espectáculo 'Mensaxe perdida', unha peza curta de danza contemporánea baseada nos sons das campás do Camiño Primitivo

Este sábado, 23 de novembro, o Escenario Hipócrita acollerá dous espectáculos unipersoais que poderán ver todas as persoas interesadas, xa que a entrada é de balde e sen aforo.

O primeiro deles é unha peza de teatro físico titulada 'La extranjera' con dramaturxia, dirección e interpretación de Stephanie Cubides, que narra o eterno conflito entre a permanencia e a partida.

A continuación, Lucía Álvarez poñerá en escena o seu espectáculo 'Mensaxe perdida', unha peza curta de danza contemporánea baseada nos sons das campás do Camiño Primitivo. A función terá lugar ás 20.00 horas a “taquilla” inversa.