A asociación veciñal da Milagrosa reclama a reparación urxente da rúa Azor en Lugo
A Asociación de Veciños, Comerciantes e Industriais da Milagrosa vén de trasladar á Concellería de Vías e Obras do Concello de Lugo unha demanda que cualifica de urxente pola situación na que se atopa a rúa Azor, no barrio.
Segundo denuncian, a vía presenta un deterioro moi acusado, con numerosos baches e desperfectos que afectan tanto á circulación de vehículos como á seguridade dos peóns. Ademais, salientan que a rúa carece de beirarrúas, o que agrava os problemas de accesibilidade e mobilidade na zona.
Por este motivo, a asociación solicita que a reparación e o acondicionamento do firme da rúa Azor se inclúan nos orzamentos municipais do ano 2025 ou, no seu defecto, nos de 2026. Consideran que se trata dunha actuación prioritaria para mellorar a calidade de vida dos veciños e veciñas, así como o tránsito no barrio.