A Asociación Veciñal San Lorenzo, de Albeiros, esixe fibra óptica neste barrio de Lugo
Desde a Asociación Veciñal “San Lorenzo” de Albeiros, da capital lucense esixen que, en pleno ano 2022, as comunicacións e, a conectividade e a súa disposición, ao alcance de todos os veciños e veciñas independentemente de onde residan, sexa, por fin, unha prioridade real para as Administracións.
A este respecto, fan fincapé, unha vez máis, que obtendo resposta á petición que emitiron o pasado 30 de xuño de 2021, por parte da Administración Central, a través da Subdelegación do Goberno de España na provincia de Lugo. A efectos prácticos, no barrio lucense de Albeiros, seguen na mesma situación que entón. Nada mellorou para os veciños e veciñas deste barrio a este respecto, que xa non están dispostos a esperar máis.
Neste sentido, engaden tamén, que a Subdelegación do Goberno de España na provincia de Lugo fíxolles chegar, con data de 7 de setembro de 2021, o recentemente creado Programa de Universalización de Infraestruturas Dixitais para a Cohesión – Banda Ancha.
Devandito Programa de Universalización de Infraestruturas Dixitais para a Cohesión – Banda Ancha recolle, en efecto, a distribución xeográfica prevista polo Goberno de España para a implantación da fibra óptica, partindo de que son as compañías operadoras no ámbito das Telecomunicacións as que deben abordar a iniciativa.
Chegado a este punto, ano 2022, evidencian que dita medida é, en todo punto, insuficiente, porque a situación actual mostra unha realidade irrefutable: o barrio de Albeiros, na capital lucense, segue, actualmente -mediados de abril de 2022- exactamente igual que cando emitiron a nota de prensa anterior -xuño do pasado ano 2021-.
Esta situación vese replicada, así mesmo, noutros barrios lucenses e tamén, en parroquias, como Pías.
Chegados a este punto, desde a Asociación Veciñal “San Lorenzo” de Albeiros, non poden dar as costas á realidade nin á cidadanía e que lles levan a concluír que as medidas propostas polas Administracións non son suficientes.
Tendo en conta que os veciños e veciñas de Albeiros seguen sen ter á súa disposición medios tan importantes a día de hoxe, como é a fibra óptica, que mellorarían, nunha medida moi relevante e importante, o seu grao de conectividade; e, que a ausencia dos mesmos, supón sometelos irremediablemente, a un agravio comparativo con quen reside noutras zonas.
Dende a Asociación Veciñal “San Lorenzo” de Albeiros avanzan que procederán a mobilizarse da sede da Subdelegación do Goberno na provincia de Lugo, en primeiro lugar e, a continuación, nas das demais Administracións.
A Asociación afirma que “os veciños e veciñas merecen gozar das comodidades que o ano 2022 pon ao dispor da sociedade, e o seu lugar de residencia non pode nin debe supoñer un agravio comparativo en ningún caso”.
“Esiximos, por tanto, resposta e toma de decisións e actuacións realista por parte das Administracións competentes nesta materia” finalizan.