A bióloga lucense Marisa Castro, galardoada pola súa excelencia profesional
![Marisa Castro Cerceda_otro](https://lugoxa.com/wp-content/uploads/2023/04/Marisa-Castro-Cerceda_otro.jpg)
Unión Profesional de Galicia, que representa os intereses de 41 colexios profesionais con 70.000 profesionais que exercen en Galicia nun total de trinta profesións, acordou na súa última asemblea entregar a súa Distinción a Juan José Martín Álvarez, secretario de Goberno do Tribunal Superior de Xustiza de Galicia e ex director xeral de Xustiza do Executivo galego con recoñecemento a unha lucence.
Unión Profesional de Galicia entregará esta Distinción a Juan José Martín o próximo 5 de maio de 2023 no Hostal dos Reis Católicos, en Santiago de Compostela. Neste acto tamén serán entregados os 21 Galardóns Profesional Colexiado 2022, unha distinción que recoñece “as traxectorias profesionais e de servizo, a contribución ao prestixio da súa profesión, e os valores das mellores prácticas profesionais, sempre por encima de intereses particulares”.
“Estes 21 profesionais son unha mostra da excelencia no exercicio das súas profesións ao servizo da sociedade galega; un exemplo de entrega e de compromiso en favor do benestar da sociedade galega”, destaca Antonio Macho, quen lembra que o acto de Entrega de Galardóns Profesional Colexiado 2022 servirá de homenaxe e recoñecemento do seu traballo.
Os 21 profesionais vinculados a outras tantas profesións que recibirán o galardón son o coruñés Herminio Carballido Rey, axente da Propiedade Inmobiliaria; o arquitecto técnico ourensán Carlos Jorreto Veiga; o arquitecto cedeirense Manuel María Chaín Pérez; a bióloga lucense Marisa Castro Cerceda; o deseñador de interiores Eduardo Fernández Cancelo; a economista pontevedresa María del Pilar López Vidal; o doutor en Educación Física e presidente da Fundación Museo Etnolúdico de Galicia, situado en Ponteceso, Ricardo Pérez e Verdes; o farmacéutico coruñés Héctor Castro Bernardino; a fisioterapeuta pontevedresa Carmen Abonjo Blanco; o higienista dental José Luis García Sanz; a enxeñeira industrial e ex conselleira de Traballo e de Medio Ambiente Beatriz Mato Otero; o enxeñeiro informático ourensán, natural da Bola, e director da Escola Superior Enxeñería Informática (ESEI) de Vigo, Francisco Javier Rodríguez Martínez; o enxeñeiro técnico agrícola e micólogo pontevedrés, Jaime Bernardo Branco Deus; o enxeñeiro técnico industrial vilagarcián José Luis Sanz Acosta; a logopeda Eliana Gabriela Villar Villar; o mariño mercante coruñés Pedro Gea Vázquez; o odontólogo e estomatólogo estradense José Domingo González Bahillo; o psicólogo e profesor da Universidade de Santiago de Compostela, natural de Cangas do Morrazo, Antonio Rial Boubeta; o protésico dental ourensán Eliseo Manuel Vidal Grande; a química e directora do Instituto Tecnolóxico para ou Control do Medio Mariño (Intecmar) con sede en Vilargarcía de Arousa, María Covadonga Salgado Blanco; e a veterinaria Rosa María Cuervo Méndez.
![Marisa Castro Cerceda](https://lugoxa.com/wp-content/uploads/thumbs/2023/04/Marisa-Castro-Cerceda-200x200.jpg)