A Casa das Insuas realiza un curso de poda de froiteiras o día 18

Está dirixido a todas aquelas persoas interesadas en aprender técnicas de poda adecuadas para o coidado destas árbores

A Asociación Galega de Custodia do Territorio organiza un Curso de Poda de Froiteiras que terá lugar o próximo sábado 18 de xaneiro, de 10:00 a 14:00 horas, no Xardín das Froiteiras da Casa das Insuas.

Este curso práctico está dirixido a todas aquelas persoas interesadas en aprender técnicas de poda adecuadas para o coidado de árbores froiteiras.

As inscricións e a solicitude de información deben realizarse a través do correo electrónico: casadasinsuas@gmail.com.

A actividade conta co apoio do Concello de Rábade e está deseñada para promover o mantemento sostible e produtivo das froiteiras.