A CEL programa formación presencial para emprendedores de economía social
A Fundación CEL, co apoio da Rede Eusumo, programa para próximas datas “accións formativas conectadas”, unha serie de talleres prácticos dirixidos a cooperativas, entidades de economía social e emprendedores interesados neste tipo de fórmulas para iniciar o seu negocio.
A través desta formación búscase facilitar e dar a coñecer as ferramentas necesarias para garantir un bo funcionamento interno das cooperativas e entidades de economía social, analizando aspectos estratéxicos, legais, económico - financeiros, de mercadotecnia e xestión de persoas. Polo seu carácter práctico, inclúese tamén exposición de casos de éxito a fin de garantir que os asistentes coñezan de primeira man o percorrido de experiencias reais.
Máis concretamente, están programados unha xornada de difusión e catro talleres formativos que abordarán contidos como “Tendencias e oportunidades de negocio no cooperativismo 2021”, “Mercadotecnia dixital na economía social”, “Xestión comercial e vendas”, “Iniciación á xestión económico-financeira” e “Cooperativismo e comunicación efectiva”. Terán lugar os días 9, 16, 23 e 30 de setembro, así como o 7 de outubro.
Estas formacións celebraránse en formato presencial nas instalacións da Fundación CEL; o número de praza é limitado e xa está practicamente cuberto. Máis información no número de teléfono 982 28 41 50 ou na web www.fundacioncel.org.