A CHMS remata a repoboación de distintas especies arbóreas en ríos da provincia
A Confederación Hidrográfica do Miño-Sil (CHMS), Organismo autónomo dependente do Ministerio para a Transición Ecolóxica e o Reto Demográfico, finalizou as actuacións de repoboación de 7315 especies arbóreas en varios ríos lucenses, nos TM de Pol, Castro de Rei, Cospeito, Chantada, Guntín, O Corgo e Lugo.
Ao longo de máis de 18 km de leitos, plantáronse 6.264 salgueiros e 736 amieiros, mediante estaquillado e de procedencia do mesmo río no que se repuxeron; ademais de 190 freixos e 125 bidueiros, de viveiro con etiquetaxe que asegura a súa orixe da mesma zona de plantación.
O obxectivo destas actuacións é dar continuidade ao bosque de ribeira en ambas as marxes, mediante a restauración con especies de hábitat prioritario en tramos da ribeira con ocos xerados pola eliminación de árbores mortas ou con risco de caída.
A execución desenvolveuse entre o 22 de marzo e o 20 de maio de 2023 e supuxo un investimento de 29.000 euros.