A Confederación do Cantábrico traballa no río Eo, en Ribeira de Piquín
A Confederación Hidrográfica do Cantábrico iniciou os traballos de mantemento, conservación e mellora no leito do río Eo nas inmediacións do Chao de Pousadoiro, dentro do municipio de Ribeira de Piquín.
Estas actuacións contan cun orzamento inicial duns 35.000 euros e execútanse ao longo de 1420 metros de leito, co obxectivo de retirar árbores caídas e outros restos vexetais, co fin de evitar a formación de tapóns e manter a capacidade de desaugadoiro do leito.
Estes traballos realízanse a través da empresa pública Tragsa dentro do Programa de mantemento e conservación de leitos que desenvolve a Confederación Hidrográfica do Cantábrico fóra das zonas urbanas, xa que nas zonas urbanas os labores de conservación e mantemento de leitos son competencia dos concellos.
Durante o ano 2024 investíronse en Lugo 371 438,36 euros repartidos en 34 actuacións en 13 municipios.