A Confederación Hidrográfica do Cantábrico traballa no río Narón, en Becerreá
![actuacion-rio-naron-becerrea](https://lugoxa.com/wp-content/uploads/2024/06/actuacion-rio-naron-becerrea.jpg)
A Confederación Hidrográfica do Cantábrico iniciou os traballos de mantemento e conservación no leito do río Narón nas inmediacións de Cruzul, no municipio de Becerreá.
Estas actuacións contan cun orzamento inicial duns 11.000 euros e execútanse ao longo de 720 m de leito. Traballos co obxectivo de retirar árbores caídas ou en risco de caída e adecuar a vexetación de ribeira, co fin de evitar a formación de tapóns e manter a capacidade de desaugadoiro do leito.
Estes labores realízanse a través da empresa pública Tragsa dentro do Programa de mantemento e conservación de leitos que desenvolve a Confederación Hidrográfica do Cantábrico fóra das zonas urbanas, xa que nas zonas urbanas os labores de conservación e mantemento de leitos son competencia dos concellos.
Durante o ano 2023 investíronse en Lugo 380.116,69 € repartidos en 34 actuacións en 9 municipios.