A Confederación traballa no río Das Casas de Cervantes
![traballos-rio-das-casas-cervantes](https://lugoxa.com/wp-content/uploads/2024/07/traballos-rio-das-casas-cervantes.jpg)
A Confederación Hidrográfica do Cantábrico iniciou os traballos de mantemento e conservación no leito do río Das Casas nas inmediacións de Vilapún, no municipio de Cervantes.
Estas actuacións contan cun orzamento inicial duns 9000 euros e execútanse ao longo de 700 m de leito, co obxectivo de retirar árbores caídas ou en risco de caída e adecuar a vexetación de ribeira, co fin de evitar a formación de tapóns e manter a capacidade de desaugadoiro do leito.
Os traballos realízanse a través da empresa pública Tragsa dentro do Programa de mantemento e conservación de leitos que desenvolve a Confederación Hidrográfica do Cantábrico fóra das zonas urbanas, xa que nas zonas urbanas os labores de conservación e mantemento de leitos son competencia dos concellos.
Ata o 1 de xuño de 2024, en Lugo, o investimento realizado en traballos de conservación e mantemento de leitos ascendeu a 119.225,13 euros, distribuídos en 12 actuacións en 5 municipios.