Artesania

O evento permitirá ao público asistir gratuitamente a diversas actividades nos que poderá experimentar coas técnicas e materiais de diversos profesionais

A Vicepresidencia da Deputación de Lugo, a través da área de Artesanía, súmase á celebración dos Días Europeos da Artesanía cun amplo programa de demostracións participativas que terá lugar na Capela de Santa María do venres 4 ao domingo 6 de abril.

O evento permitirá ao público asistir gratuitamente a diversas actividades nos que poderá experimentar coas técnicas e materiais de profesionais da cerámica, do coiro, do tear, da madeira e do cartón pedra.

A programación conta coa participación de nove artesás e artesáns e desenvolverase en horario de mañá, de 9.30 a 14.00 horas, e de tarde, de 17.00 a 20.00 horas.

Ademais, o recinto acollerá unha mostra de pezas do artesán do coiro José Ramón Lleó Fissure, do obradoiro 'Rappa', en homenaxe á súa traxectoria.

Obradoiros e actividades

Venres, 4 de abril

• "Bolboretas de coiro" con Mercedes Buján: Exposición de pezas decorativas e demostración participativa na que os asistentes poderán elaborar unha pequena peza (pulseira ou chaveiro) para levar como agasallo.
• "La bellota mágica" con Inmaculada Díaz Cabado: Mostra de ferramentas, exposición de pezas de cerámica pintadas a man e demostración participativa.
• "Fusaiola" con Lourdes Otero Mato e Miriam Fernández Otero: Mostra de pezas elaboradas no tear, montaxe de tear de alto e baixo lizo e demostración participativa en tear de baixo lizo.

Sábado, 5 de abril

• "Tres caracoles" con Ana Novo Barreiro: Mostrario de peles e ferramentas, exposición de pezas e demostración participativa para a elaboración dunha folla de coiro.
• "Portomeñecos" con Marga Portomeñe: Obradoiro de confección de bonecos e demostración participativa na que os asistentes poderán fabricar unha máscara en papel maché.
• "Enxógate" con Antonio Fernández Vicenti: Exposición de autómatas de madeira, demostración do proceso de fabricación e actividade participativa para a creación dun autómata sinxelo.

Domingo, 6 de abril

• "Ceniza de papel" con Mª Josefa Sánchez Castedo: Exposición e demostración do proceso de elaboración dunha cunca no torno e decoración da mesma.
• "LeCOOp" con Victor Manuel Montero Fernández: Mostrario de ferramentas e demostración participativa para a elaboración dun marcapáxinas de coiro.
• "Mimacuir" con Sonia Argiz: Exposición de traballos en coiro e demostración participativa de elaboración dun marcapáxinas.

Ademais das actividades na Capela de Santa María, a programación dos Días Europeos da Artesanía inclúe obradoiros de cestería no Espazo Permacultural Lugar de Reque, impartidos por Beatriz Valín, Lola Tourón e María Folgueira.

A Deputación de Lugo reafirma con esta iniciativa o seu compromiso coa posta en valor e divulgación das tradicións artesanais, favorecendo o contacto directo do público co traballo de artesáns e artesás locais.