A Deputación de Lugo impulsa un curso de chirimía, sacabuche e percusión histórica no Centrad
A Vicepresidencia da Deputación de Lugo pon en marcha o curso de chirimía, sacabuche e percusión histórica que se celebrará do 5 ao 7 de decembro no Centro de Artesanía e Deseño de Lugo.
O curso contará con clases teóricas e prácticas con contidos relacionados coa emisión do son nos instrumentos menestreis, entoación, técnica de pandeireta, pandeiro e tambor, notación branca mensural, lectura de facsímiles, música de danza e música polifónica.
As actividades prácticas orientaranse á montaxe dun repertorio conxunto que se interpretará como peche ao curso. Ademais, impartiranse palestras específicas sobre as prácticas interpretativas dos menestreis, o replicado de instrumentos históricos de vento e madeira ou o uso de aliaxes na construción de instrumentos de metal, a cargo de expertos nos diferentes campos como Luis Vives Balaguer, Oli Xiráldez ou Tony Esparís.
O vicepresidente da Deputación de Lugo Efrén Castro explicou que “se trata dunha iniciativa na liña das actividades de formación e divulgación que se organizan ao longo do ano, que poñen en valor o patrimonio musical do Centro de Artesanía e Deseño e afondan no coñecemento e no estudo da nosa tradición musical”