A Deputación de Lugo volve apoiar ao piloto lucense Xosé Alonso Liste
A Deputación de Lugo volve apoiar ao piloto lucense Xosé Alonso Liste cun patrocinio de 3.000 euros para a súa participación no Campionato de Europa de Montaña, que arrancará o 12 de abril en Francia e se estenderá até o 21 de setembro en Croacia, cun total de 11 probas en 10 países.
Pablo Rivera Capón, deputado de Promoción Económica e Social, asistiu á presentación do novo vehículo de Xosé Alonso Liste no CIFP As Mercedes en Lugo.
Rivera destacou a importancia desta competición internacional, que ofrece unha gran visibilidade á provincia de Lugo e reúne aos mellores pilotos europeos na modalidade de montaña.
O evento tamén servirá para promocionar Lugo a nivel global. Entre as probas máis destacadas figura a Subida ao Fito, que terá lugar os días 17 e 18 de maio en Asturias, sendo a única cita española do certame e unha das máis esperadas, atraendo a moitos afeccionados ao motor.
Este apoio da Deputación resalta a implicación institucional no deporte e a súa contribución ao prestixio internacional da provincia.