A escola deportiva Shihan de Lugo inicia a tempada 2025-2026 cunha ampla oferta de artes marciais
A escola deportiva Shihan de Lugo abre a súa tempada 2025-2026 cunha proposta diversa de actividades que inclúe clases de karate, full contact e jiu-jitsu brasileiro. As persoas interesadas en participar poden contactar co club a través do número 620 862 179.
No caso do karate para adultos, as sesións desenvolveranse os martes e xoves de 20.30 a 21.30 horas. O full contact impartirase os luns e mércores no mesmo horario, mentres que o jiu-jitsu brasileiro contará cunha programación máis ampla: de luns a xoves de 20.00 a 21.00 horas e tamén os martes e xoves en horario de mañá, de 11.00 a 12.00 horas. Ademais, haberá unha clase específica para os máis pequenos os martes de 19.00 a 20.00 horas.
Con esta oferta, o club Shihan reforza a súa aposta por achegar as artes marciais a diferentes perfís de alumnado, combinando formación técnica, disciplina e actividade física adaptada ás distintas idades.