Deportes

A iniciativa busca ofrecer un espazo seguro de aprendizaxe, confianza e apoio mutuo

A Escola Deportiva Shihan convoca unha nova clase de autodefensa feminina, que se celebrará o 27 de setembro ás 11.00 horas.

Trátase dunha cita mensual na que as participantes poden adestrar a súa seguridade persoal, reforzar a confianza en si mesmas e descubrir a súa propia forza nun ambiente de respecto e boa enerxía.

A actividade combinará técnicas simples e efectivas con dinámicas de apoio e aprendizaxe compartida. Ademais, a sesión desenvolverase nun clima motivador que pretende favorecer o crecemento persoal e o coidado de cada participante, consolidando a autodefensa como unha ferramenta de empoderamento feminino.