Deportes

Os talentosos deportistas da Escola conseguiron un total de 12 ouros, 7 pratas e 19 bronces

Este sábado, 28 de decembro, 50 deportistas da Escola Deportiva Shihan desprazáronse a Ferrol para competir na 1ª Liga Galega. Coa participación de 38 clubs, a escola Shihan logrou colocarse unha vez máis no máis alto do medalleiro.

Os talentosos deportistas de Shihan conseguiron un total de 12 ouros, 7 pratas e 19 bronces, sumando así un total de 38 metais. Con este impresionante logro, pechan o ano 2024 cun broche de ouro.

Este éxito reforza a posición da Escola Deportiva Shihan como un referente no ámbito deportivo galego, destacando tanto pola súa dedicación coma pola súa habilidade en cada competición.