A Federación Veciñal Lucus Augusti alerta da falta de compromiso da Xunta coa Ronda Leste de Lugo
A Federación Veciñal Lucus Augusti criticou a actuación da Xunta de Galicia respecto á Ronda Leste de Lugo, asegurando que “levamos anos vendo como o goberno autonómico consigna cantidades nos orzamentos que nunca se executan, o que nos parece unha falta de respecto á cidadanía”. Segundo denuncian, as promesas de investimentos “parecen fume”, xa que, a pesar de aparecer no papel, “non se executan nunca” e a sensación é que se “ríen de nós ou nos toman por tontos”.
Desde a federación lembran que asociacións do seu ámbito, como as de Fontiñas e Montirón, veñen reivindicando a necesidade de executar a Ronda Este para evitar atascos na Avenida de Fontiñas e o deterioro do parque periurbano do Rato debido ao paso continuo de vehículos ao HULA.
Lamentan ademais que, tras case dous anos de espera, a Xunta de Galicia en Lugo aínda non presentou o proxecto, que debería causar o menor impacto medioambiental posible. Avisan de que, mesmo unha vez aprobado, o proceso completo de exposición pública, alegacións, expropiacións, licitación e execución da obra podería prolongarse ata 2031 ou 2032 no mellor dos casos. Mentres tanto, a cidadanía segue soportando problemas de tráfico e deterioro das infraestruturas.
Para a Federación Vecinal, esta situación evidencia unha “tomadura de pelo” cara aos lucenses, que ven como as cantidades consignadas nos orzamentos nunca se materializan en obras reais.