A Fonsagrada abre o prazo de inscrición para as actividades de xaneiro a marzo de 2026
O Concello de A Fonsagrada vén de anunciar o programa de actividades correspondente ao trimestre xaneiro-marzo de 2026, que inclúe pilates, ioga e baile de salón. Estas propostas están dirixidas á veciñanza que desexe manterse activa a través de exercicio físico e actividades de ocio saudable.
As sesións de pilates impartiranse os luns e mércores en dous horarios: de 18:00 a 19:00 horas e de 19:00 a 20:00 horas. Pola súa banda, a actividade de ioga tamén terá lugar os luns e mércores, cunha sesión fixada ás 20:15 horas. O baile de salón celebrarase os martes, en horario de 21:00 a 22:30.
O prazo de inscrición permanecerá aberto ao 17 de decembro de 2025, podendo realizarse a través da sede electrónica municipal —no apartado “Lecer, actividades e cursos”— ou de maneira presencial no rexistro do Concello. As prazas cubriranse por orde de entrada.