A Fonsagrada acollerá un espectáculo de maxia do Mago Lolo o 14 de agosto
A Praza da Igrexa da Fonsagrada converterase o vindeiro 14 de agosto nun escenario para a ilusión e a sorpresa coa celebración dun espectáculo de maxia a cargo do Mago Lolo.
A cita, aberta a nenos e adultos, comezará ás 18.00 horas e promete unha tarde chea de humor, participación e xogos de prestidixitación para todos os públicos.
Ao rematar, ás 20.00 horas, o Restaurante Caldeira acollerá uns pinchos dirixidos ás persoas que colaboraron na recollida de flores e na elaboración das alfombras florais do Corpus 2025. Esta recepción busca recoñecer e agradecer publicamente a súa encomiable labor na organización e desenvolvemento desta tradición local.
O evento está organizado polas familias dos nenos e nenas de Corpus 2025, que convidan á veciñanza e visitantes a gozar dunha xornada festiva e de convivencia.