A Fonsagrada celebra este domingo o Día do Libro
LugoXa
Anpa da Fonsagrada organiza o próximo domingo 23 de abril o Día do Libro cun intercambio de libros e varias actividades
![Dia do libro Fonsagrada portada](https://lugoxa.com/wp-content/uploads/2023/04/Dia-do-libro-Fonsagrada-portada.jpg)
18 Abr 2023
Anpa da Fonsagrada organiza o próximo domingo 23 de abril o Día do Libro.
A xornada dará comezo cun mercado de intercambio de libros de 16.30 a 18.30 onde todas as persoas interesadas poderán levar e coller libros para todas as idades.
A organización recolle doazóns de libro ata o 20 de abril no CEIP Santa María, Provifonsa e na Biblioteca Municipal.
Ás 17.30 Catuxa Cela realizará un conto taller onde os participantes poderán escoitar historias de natureza e participar dela poñendo oído, ollos e corazón.
Esta actividade está destinada a un público familiar e os participantes recibirán un agasallo.
Para finalizar o Día do Libro o salón de actos Os Chaos acollerá o espectáculo de monicreques A viaxe de Rosalía recomendado a partir de cinco anos.
![Dia do libro Fonsagrada](https://lugoxa.com/wp-content/uploads/thumbs/2023/04/Dia-do-libro-Fonsagrada-200x282.jpg)