A Fonsagrada celebrará o 17 de maio o Festival do Día das Letras Galegas
A Fonsagrada celebrará o vindeiro 17 de maio o Festival do Día das Letras Galegas cunha programación especial dedicada á poesía popular oral e á música tradicional.
O evento terá lugar no salón de actos de Os Chaos e está organizado pola Asociación Cultural Antaruxas e Sorteiros, coa colaboración do Concello da Fonsagrada.
A xornada dará comezo ás 18:00 horas coa apertura oficial do certame, que incluirá unha actuación musical a cargo da A.C. Antaruxas e Sorteiros da Fonsagrada. Ás 18:20 terá lugar a presentación e homenaxe á poesía popular oral e ás cantareiras, nun claro recoñecemento ao valor cultural e patrimonial destas expresións tradicionais.
A continuación, ás 18:30, procederase á entrega de premios. O festival pecharase ás 19:00 cunha actuación de música e baile tradicional a cargo, novamente, de Antaruxas e Sorteiros, ofrecendo así un broche festivo e reivindicativo das raíces culturais galegas.