A Fonsagrada, entre as capitais do turismo rural
![a fonsagrada paisaxe](https://lugoxa.com/wp-content/uploads/2021/03/a-fonsagrada-paisaxe.jpg)
A Fonsagrada é unha das 50 capitais de turismo rural en España, segundo o estudo que vén de realizar o portal Club Rural. Para elaborar esa listaxe, téñense en conta as buscas realizadas polos viaxeiros ao longo do último ano co fin de facer turismo rural.
Con eses datos, o portal Club Rural determina cal foi o concello que espertou máis interese para unha escapada rural en cada provincia. No caso da provincia de Lugo, A Fonsagrada centrou nesta ocasión a meirande parte das búsquedas.
Na relación de 'capitais do turismo rural' figuran tanto concellos costeiros como do interior. Da Fonsagrada, segundo o portal que realizou o estudo, destácase especialmente que é un dos pobos que atravesa o Camiño de Santiago e que o seu patrimonio está formado "por abundantes restos prehistóricos". Tamén se fai referencia a unha situación "excepcional" na montaña.
En Galicia, os outros destinos máis buscados foron Rianxo, na provincia da Coruña, Pobra de Trives, en Ourense, e Sanxenxo, en Pontevedra.
![capitais turismo rural españa](https://lugoxa.com/wp-content/uploads/thumbs/2021/03/capitais-turismo-rural-espana-200x206.jpg)