A ITV agrícola estará en Castroverde entre o 25 de marzo e o 1 de abril

As revisións levaranse a cabo no Mercado Gandeiro durante o mes de marzo

O Concello de Castroverde anunciou que unha unidade móbil de inspección técnica de vehículos (ITV) desprazarase ao municipio para realizar inspeccións técnicas periódicas de vehículos agrícolas.

As revisións levaranse a cabo no Mercado Gandeiro durante o mes de marzo, nas datas comprendidas entre o 25 de marzo e o 1 de abril de 2025.

Os horarios establecidos para as inspeccións serán de 9:00 a 13:30 horas e de 15:15 a 18:00 horas, agás o día 28 de marzo de 2025, no que o horario se reducirá á franxa de 9:00 a 13:30 horas.

Desde o Concello de Castroverde lembran a importancia de manter ao día a ITV dos vehículos agrícolas para garantir a seguridade e o cumprimento da normativa vixente.