A ITV Agrícola estará en Portomarín os días 22 e 23 de decembro

A prestación deste servizo facilitará que os propietarios poidan efectuar a ITV dos seus vehículos sen ter que desprazarse fóra da localidade

O Concello de Portomarín informa de que a Unidade Móbil de Inspección Técnica de Vehículos Agrícolas visitará o municipio os días 22 e 23 de decembro para realizar as correspondentes inspeccións a maquinaria agrícola.

A prestación deste servizo facilitará que os propietarios poidan efectuar a ITV dos seus vehículos sen ter que desprazarse fóra da localidade.

A unidade móbil instalarase na explanada do cemiterio, onde atenderá en horario de 09:00 a 13:30 horas e de 15:15 a 18:00 horas. Desde o Concello recoméndase solicitar cita previa para evitar esperas innecesarias e garantir unha atención máis áxil.

As citas poden reservarse por teléfono, chamando ao 982 92 80 80, ou a través da páxina web oficial de inspeccións, www.sycitv.com.