A ITV chega á Fonsagrada en febreiro
LugoXa
A unidade móbil de inspección técnica de turismos estará na Explanada do Piñeiral, no Concello da Fonsagrada durante o mes de febreiro.
30 Xan 2023
A unidade móbil de inspección técnica de turismos estará na Explanada do Piñeiral, no Concello da Fonsagrada durante o mes de febreiro. Así o informa o Goberno local que informa das datas concretas nas que estará dispoñible este servizo.
Do 17 ao 28 de febreiro, a unidade móbil estará aberta de 09.00 a 13.30 horas e de 15.15 a 18.00 horas. Excepto os días 25 e 28 de febreiro que o horario será de 09.00 a 13.30 horas.
Para acudir é preciso pedir cita previa ben por teléfono, no 902 309 000, ou ben a través da páxina web da ITV.