A ITV de vehículos agrícolas chegará a tres puntos de Cervantes durante o mes de maio
O Concello de Cervantes contará durante o mes de maio cun servizo itinerante de inspección técnica de vehículos agrícolas que se desprazará a tres localizacións do municipio: Doiras, San Román e Quindous.
Segundo a programación prevista, a ITV instalarase o día 7 de maio en Doiras, cun horario de atención de 9:00 a 13:30 horas e de 15.15 a 18 horas. Ao día seguinte, o 8 de maio, o servizo trasladarase a San Román, onde funcionará unicamente en horario de mañá, de 9:00 a 13:30 horas. Finalmente, o 11 de maio será a quenda de Quindous, tamén en horario de 9:00 a 13:30 horas.
Esta iniciativa permite achegar este trámite obrigatorio ás persoas propietarias de maquinaria agrícola do municipio, facilitando así o cumprimento das inspeccións sen necesidade de realizar grandes desprazamentos.