A Lotería de Nadal chega a varias localidades da provincia
![42.833 Primer cuarto premio loteria Nadal 2021](https://lugoxa.com/wp-content/uploads/2021/12/42.833-Primer-cuarto-premio-loteria-Nadal-2021.jpg)
Varios dos premios da Lotería de Nadal deste ano caeron na provincia de Lugo, en pequenas porcentaxes e moi repartidos.
O 42.833 (cuarto premio) estivo moi repartido por todo o territorio peninsular con algúns décimos vendidos en Xermade, Lourenzá e Lugo capital. En Lugo capital vendeuse na administración de lotería de Santo Domingo (Lor); en Lourenzá na da praza Linares Rivas (A Faba de Ouro) e en Xermade en Roupar (Bar Moncho). Repartiu 200.000 euros á serie, 20.000 por décimo.
O gordo caeu no 86.148, sen repercusións na provincia.
O segundo, 72.119; o terceiro, 19.517; o segundo cuarto, 91.179, e os quintos 92.052, 70.316, 26.711, 24.198, 69.457, 89.053, 34.345 e 89.109, non tiveron acertantes na provincia. O 34.345 foi vendido en Vegadeo, na administración da rúa Armando Cotarelo (Casa Salas).