A mostra 'Toma castaña Galicia' foi inaugurada na Biblioteca Pública de Lugo
A mostra Toma castaña Galicia, que reúne fotografías dalgúns dos soutos e castiñeiros máis coñecidos e destacables da Comunidade, foi inaugurada na Biblioteca Pública de Lugo.
A exposición, organizada pola Xunta, recolle imaxes e información sobre os 22 exemplares e formacións de castiñeiros incluídos no Catálogo de árbores senlleiras de Galicia. As fotografías están acompañadas dunha maqueta que recrea un souto.
Ademais, a mostra foi inaugurada na Casa de Galicia en Madrid, onde rexistrou case un milleiro de visitas, e agora está itinerando por distintas cidades.
O obxectivo é poñer en valor a riqueza do patrimonio natural galego e dos tesouros que albergan os bosques da Comunidade.
Na inauguración participaron os directores territoriais das consellerías de Medio Ambiente e Cambio Climático e de Cultura, Lingua e Xuventude, Jesús Montouto e Manuel Fernández, respectivamente; ademais da directora da Biblioteca, María Isabel Pérez Fórneas, entre outras persoas.