A nova decoración de Nadal de Baralla está feita a man
![Concello de Baralla Nadal 2021](https://lugoxa.com/wp-content/uploads/2021/12/Concello-de-Baralla-Nadal-2021.jpg)
As rúas de Baralla contan dende a semana pasada con máis decoración de Nadal. Nesta ocasión, os elementos ornamentais foron obra do grupo de manualidades de Baralla que se encargou de realizar e confeccionar a iluminación da rúa Irmáns Díaz Moreno. Ademais, tamén levaron a cabo as árbores da praza do Concello.
O traballo deste grupo está realizado a man con vimbias que son varas de vimieiro finas, longas e flexibles que permiten a súa manipulación dunha maneira sinxela. Empréganse para facer cestos.
Á mestra que dirixiu o proxecto e guiou ao grupo foi María Otero Folgueira.
Con esta decoración as rúas do Concello énchense de luz e ambiente festivo que traslada aos veciños un sentimento de emoción e ilusión.
As manualidades serven para potenciar a creatividade e mellorar a autoestima xa que se obtén un resultado tanxible das horas invertidas na realización dun proxecto facendo que sexa moi motivador. Ademais, axuda a mellorar a axilidade mental, controla o estrés, fomenta o reciclaxe e mellora a psicomotricidade.
Este tipo de proxectos fomenta o traballo en equipo, axudando a crear un grupo sostible de veciñanza que se apoia entre eles.