A novena edición da Ruta dos Lobos, que se celebrou no municipio fonsagradino este sábado, foi un éxito

A novena edición da Ruta dos Lobos terá lugar o sábado 30 de setembro na Fonsagrada e contará con dúas modalidades de participación

A novena edición da Ruta dos Lobos, que se celebrou no municipio fonsagradino este sábado, foi un éxito e afiánzase con 350 ciclistas e co respaldo da Deputación. O deputado de Medio Ambiente e Alcalde da Fonsagrada, Carlos López López, participou na entrega de premios.

A cita, que foi un éxito un ano máis, afiánzase coa participación de 350 amantes do ciclismo de montaña chegados de toda Galicia e de comunidades como Asturias, Castela e León, País Vasco e Madrid.

Os deportistas puideron elixir entre dous percorridos, un longo, de 47 quilómetros, cun desnivel de máis de 1.700 metros positivos, e un curto de 26 quilómetros e un desnivel de 800 metros positivos.