A Plataforma Feminista convoca en Lugo a concentración do 8 de marzo polo Día Internacional da Muller
A Plataforma Feminista de Lugo organiza este domingo, 8 de marzo, unha concentración con motivo do Día Internacional da Muller. A convocatoria está fixada para as 12.00 horas diante do edificio da Xunta, desde onde as participantes iniciarán un percorrido ata a Praza de Santa María.
Unha vez alí, procederase á lectura dun manifesto que este ano leva por lema ‘Non nos conformamos. Resistimos e medramos’. A organización anima á cidadanía a sumarse a esta mobilización, que se celebra cada ano co obxectivo de visibilizar o papel fundamental das mulleres na sociedade.
A través desta cita reivindicativa, a Plataforma Feminista busca reclamar unha igualdade real e efectiva entre homes e mulleres, ao tempo que subliña a necesidade de continuar avanzando en dereitos. A concentración pretende tamén deixar patente que as mulleres teñen voz propia e que seguen loitando por unha sociedade máis xusta e equitativa.