A San Juanada de Xiá 2025 celebrarase o 28 de xuño cunha gran churrascada e música en directo
A Asociación Cultural Veciños de Xiá organiza un ano máis a tradicional San Juanada, que nesta edición de 2025 terá lugar o sábado 28 de xuño a partir das 22:00 horas. A celebración contará cunha actuación musical e un menú típico destas datas, composto por churrasco, sardiñas, pan, viño, gaseosa e auga.
A actividade terá lugar cun aforo limitado a 150 persoas, polo que desde a organización lembran que o prazo para realizar a inscrición remata o 15 de xuño. Os prezos para participar son de 20 euros para socios e 25 euros para non socios.
Para anotarse, pódese contactar cos organizadores a través dos teléfonos facilitados no cartel: Suso (676 37 07 40), Chus V (667 09 15 33) ou Chus S (605 56 88 58). A cita promete ser un encontro de convivencia veciñal nun ambiente festivo e cun menú que non deixará a ninguén indiferente.