A subdelegada do Goberno recibiu a Félix Rodríguez, novo director do CP Monterroso
![subdelegada goberno felix cp monterroso](https://lugoxa.com/wp-content/uploads/2021/12/subdelegada-goberno-felix-cp-monterroso.jpg)
A subdelegada do Goberno, Isabel Rodríguez, recibiu onte ao novo director do Centro Penitenciario de Monterroso, Félix Rodríguez Fernández, na primeira entrevista que manteñen desde que se fixo cargo do posto.
A subdelegada felicitou a Félix Rodríguez polo seu nomeamento, que se produciu a principios deste mes de decembro e desexoulle os maiores éxitos na responsabilidade que vén de asumir.
O novo director do Centro Penitenciario de Monterroso, que é licenciado en Dereito pola UNED e en Criminoloxía na Universidade de Santiago de Compostela, pertence á Administración Penitenciaria dende 1997, cando ingresou no Corpo de Axudandes.
En 2018 accedeu ao Corpo Especial de Institucións Penitenciarias e asumiu a Subdirección de Seguridade do Centro Penitenciario de Topas, en Salamanca.
Durante case dez anos formou parte dos grupos de control e seguemento dos centros penitenciarios. Tamén impartiu formación nas últimas promocións de funcionarios do Corpo de Axudantes.
Félix Rodríguez sustitúe no cargo a Antonio Rivera, que logo de 11 anos na dirección do Centro Penitenciario de Monterroso asume a dirección de programas no Servizo de Xestión de Penas e Medidas Alternativas da provincia.