A UNED de Lugo organiza un paseo guiado pola contorna natural do río Rato
Con motivo do Día Internacional da Diversidade Biolóxica, a UNED de Lugo, a través do seu proxecto ambiental LugoNaturalMente e en colaboración coa Asociación Ecotono, organiza un paseo guiado pola contorna natural do río Rato.
O luns, 26 de maio, as persoas interesadas en participar percorrerán o paseo do río acompañados polo educador ambiental Daniel Monteagudo, quen nos guiará a través do bosque de ribeira para descubrir a súa biodiversidade, identificar algunhas das súas especies máis representativas e comprender o seu papel no equilibrio ecolóxico do territorio.
Esta actividade encádrase no 22 de maio, unha data promovida polas Nacións Unidas que busca sensibilizar á cidadanía sobre o valor dos ecosistemas e dos miles de especies que coexisten neles.