A unidade móbil de inspección técnica agrícola xa está en Monterroso
O Concello de Monterroso informou da chegada da unidade móbil da Empresa Supervisión e Control S.A. para a realización da Inspección Técnica de Vehículos Agrícolas (ITV Agrícola). O servizo desenvolverase no mercado gandeiro, en dúas quendas distintas.
A primeira quenda está tendo lugar do 24 de novembro ao 4 de decembro de 2025, mentres que a segunda está programada do 9 ao 9 de decembro de 2025, tamén na mesma ubicación.
O horario de atención será de 9:00 a 13:30 horas e de 15:15 a 18:00 horas. O servizo prestarase en horario de mañá e tarde todos os días, agás o 28 de novembro e o 4 de decembro, datas nas que só haberá atención en horario de mañá.
Para realizar a inspección é necesario solicitar cita previa, que pode xestionarse a través do teléfono 981 92 80 80 ou da web oficial de peticións: www.syctiv.com.
O Concello lembra que se comunica esta información para o coñecemento dos propietarios dos vehículos afectados e para os efectos oportunos.