A veciñanza do centro reclama que se manteña a Fonte de San Fernando
![cartel san fernando lugo](https://lugoxa.com/wp-content/uploads/2023/07/cartel-san-fernando-lugo.jpg)
A Plataforma de Veciños do Barrio Centro de Lugo mantivo unha reunión co equipo de goberno do Concello, nela reiteroulle as súas propostas con respecto aos proxectos de peonalización ante o inminente comezo do de Santo Domingo.
Segundo indican os responsables da asociación, o Concello ábrese a estudar as zonas de tránsito e de carga en Santo Domingo, así como as zonas axardinadas condicionándoo aos resultados da proba de carga que se está realizando no aparcamento.
Acordouse que todos estes temas trataranse nunha reunión de traballo entre técnicos de ambas as partes para garantir a súa viabilidade.
En canto á Rúa Nova, "o Concello comprométese a reparar todo o pavimento danado unha vez finalizadas as obras e revisar o sistema de ollos de gato que están a provocar caídas e accidentes na actualidade", din.
A Plataforma entregou un documento ao Concello onde se pon en manifesto o gran valor histórico e sentimental da Fonte de San Fernando, precisamente vinculados ao cuartel, polo que solicitan "encarecidamente" que se manteña a súa localización actual.