A VIII edición do Concurso de Tapas de Baleira celebrarase entre o 30 de abril e o 2 de maio
O Concello de Baleira acollerá unha nova edición do Concurso de Tapas, que este 2026 alcanza a súa oitava convocatoria. A cita gastronómica desenvolverase os días 30 de abril e 1 e 2 de maio, en horario de 20:00 a 00:00 horas.
Durante estas xornadas, diferentes locais de hostalaría do municipio ofrecerán as súas propostas culinarias nun evento que busca promover a gastronomía local e dinamizar a actividade nos establecementos da zona.
Nesta edición participan catro negocios hostaleiros: A Marronda, Moneda, Neireo e Recundo D' Vane, que elaborarán tapas para o público asistente ao longo das tres noites do certame.
O concurso converteuse nunha cita consolidada dentro da programación gastronómica do municipio, reunindo cada ano a veciñanza e visitantes arredor da creatividade culinaria dos locais participantes.