Abraham Cupeiro encheu o Círculo das Artes de Lugo coa súa música
O músico sarrián Abraham Cupeiro, cuxa música formou parte da Banda Sonora de Gladiator II, impartiu unha masterclass no Círculo das Artes de Lugo.
O encontro, de carácter gratuíto pero con inscrición obrigatoria por cuestións de aforo, encheu o espazo. Nel, o artista explicou como elabora a súa música e con que instrumentos, algo que os asistentes gozaron e valoraron en forma de aplausos.
Ademais desta actividade, Cupeiro segue coa súa xira co seu proxecto musical, 'Resonando en el pasado', percorrendo cidades como Palencia, Ávila, Castelló. Despois, volverá a Galicia para ofrecer dous concertos en Vigo, o 20 e 21 de decembro, co seu proxecto Loira. Mentres, o 26 de decembro estará no Auditorio de Galicia de Santiago de Compostela con Loira e o 28 traerá ao Auditorio Fuxan vos Ventos de Lugo 'Ecoando no pasado'.