Abre a inscrición dun curso gratuíto de iniciación á produción e mixing para 8 lucences
O Servizo de Prevención de Drogodependencias e outras adiccións, adscrito á concellería de Xuventude, e dentro do Programa +XTÍ 2023 subvencionado polo Ministerio de Sanidade (Plan Nacional sobre Drogas), abre as inscricións dun curso de iniciación á produción e mixing dirixido á mocidade lucense maior de 14 anos.
Entre os contidos que se impartirán atópanse os principios físicos do son e da psicoacústica, entender a cadea de audio e os seus compoñentes, os tipos de cableado, tipos de ferramentas de mestura, gravación, procesamento de audio e amplificadores, entre outras. A duración da actividade será de 8 horas repartidas en, 4 horas o sábado 3 de xuño e outras 4 horas o domingo 4 de xuño, das 16.00 ás 20.00 h, na Casa da Música.
Con esta nova actividade a concellería pretende dar resposta aos diferentes intereses dos lucenses relacionados entre outros coa música, así como, abrir as portas ao mundo laboral e profesional neste sector.
Os participantes que superen este curso terán a oportunidade de participar como DJs nun evento real para unhas 500 persoas que terá lugar ou 17 de xuño.
Existen 8 prazas e a inscrición debe realizarse do 25 ao 28 de maio ata cubrir prazas, a través da web lugomasxti.org.
