Abre o aseo autolimpable do parque Rosalía de Castro
![aseo autolimpiable parque rosali castro lugo](https://lugoxa.com/wp-content/uploads/2021/11/aseo-autolimpiable-parque-rosali-castro-lugo.jpg)
O Concello de Lugo, a través da área de Medio Ambiente, informa que o aseo autolimpable, instalado no parque Rosalía de Castro, nun dos laterais do xardín na contorna da avenida García Portela, procederá á súa apertura.
Segundo o tenente de alcaldesa, Miguel Fernández, “avanzamos cara a normalidade, e nesta liña abrimos o baño autolimpable, o máis difícil de xestionar na pandemia, que da uso á numerosa veciñanza que transita por este entorno verde, decisión que chega tras a evolución favorable da pandemia e o levantamento de restricións sanitarias por parte da Xunta de Galicia”.
O horario de apertura do mesmo será de 09:00 a 22:00 horas. Un servizo gratuíto, cun sistema plantexado para abrirse automaticamente aos 15 minutos por seguridade e para evitar calquera contratempo. Cada vez que a persoa usuaria abandone o espazo, o aseo límpase por dentro. Os xardineiros deste parque serán os encargados do seu mantemento, dispoñendo xabón e papel hixiénico no aseo.
O Concello de Lugo ten habilitados outros aseos públicos fixos na Fonte dos Ranchos, no Parque de Marcos Cela, no Parque de Frigsa, en Montirón (local social), seis no Parque do Miño e no Parque do Sagrado Corazón.