Medio ambiente

As autoridades advirten de restricións no tránsito peonil e chaman á precaución en zonas inundables

O Centro de Control de Cunca da Confederación Hidrográfica do Miño-Sil informou que a estación do Sistema Automático de Información Hidrolóxica (SAIH) N001, situada no río Miño en Lugo, rexistrou niveis que superan o umbral de pre-alerta (nivel laranxa), cunha evolución que fai previsible situacións significativas de crecida.

Diante deste escenario, desde a Área de Transición Ecolóxica recomendan non transitar a pé polo tramo do Paseo do Miño comprendido entre o Balneario de Lugo e o Restaurante O Muíño, debido á subida do nivel do río na cidade.

Ademais, fan un chamamento á cidadanía para evitar achegarse ás zonas próximas aos ríos susceptibles de inundación, co fin de minimizar riscos e garantir a seguridade de todas as persoas.