Adega realizará o domingo unha ruta polo concello de Castrelo do Miño
O vindeiro domingo 25 de xuño, a delegación de Lugo de Adega organiza unha ruta polo concello de Castrelo do Miño. Farán un treito do roteiro de Miño-Calvario-Coto Novelle, nun percorrido lineal duns 8 Km de lonxitude e de dificultade baixa.
Neste percorrido ao abrigo de piñeirais e sobreirais, coñecerase o grande legado cultural de mámoas e petróglifos, e poderase contemplar unha grande panorámica do Ribeiro, Paradanta e Celanova, sendo conscientes dos efectos da depredación eólica. Coñecerase ademais a loita de Castrelo contra un proxecto de explotación mineira que se gañou no 2007, pero que podería rexurdir en calquera momento.
Ao finalizar o percorrido os participante terán a oportunidade de coñecer a adega Pousadoiro.
A saída dende Lugo (Escola de Maxisterio) será ás 9h.
Para participar é preciso reservar praza antes do venres 23 de xuño ás 13.00 horas chamando ao 982240299
ou directamente na bitácora dos roteiros.
