AJE da a coñecer os gañadores do seus premios anuais

O enxeñeiro Juan Manuel López Labrada e o portal Festigaleiros resultaron vencedores dos VII Premios AJE Lugo

A Asociación de xoves empresarios de Lugo deu a coñecer aos gañadores da sétima edición dos Premios Aje Lugo.

Así, na categoría de xove empresario, que se valora en función de criterios de facturación, creación de emprego, internacionalización e innovación, foi galardoado Juan Manuel López Labrada, enxeñeiro industrial de Cospeito e con máis de dúas décadas de experiencia no mundo empresarial.

Doutra banda, no apartado de iniciativa emprendedora, recoñeceuse a Festigaleiros, liderado por Vanesa Rivas. Trátase dun portal dixital que pretende facilitar o acceso a toda a información sobre festas, feiras e festivais por toda a comunidade.

Como premio, os dous gañadores estarán exentos durante un ano do pago da cota de socios a Aje Lugo.