Alcer organiza o xoves un taller sobre batchcooking
O centro social María Balteira de Lugo acolle un taller de Batchcooking organizado por Alcer Galicia e que se desenvolverá este xoves, 29 de xuño, de 16.00 a 20.00 horas.
O Batchcooking consite na elaboración dun menú apropiado para patoloxía renal segundo a técnica do batch cooking: cociñar un día e comer durante toda a semana.
Entre os obxectivos fixados polo curso está aprender que é o Batch cooking, aplicar a técnica do batch cooking a enfermidade renal e coñecer as vantaxes do batch cooking como son aforrar tempo na cociña, aproveitar alimentos, preparar menús de maior calidade nutricional, planificar mellor a compra semanal e evitar a improvisación, entre outros.
Está dirixido a enfermos renais en calquera dos seus estadíos que presenten interese en nutrición renal. Familiares de persoas con enfermidade renal crónica interesadas en nutrición e membros de Alcer. Estará impartido pola nutricionista de Alcer Galicia.
Para inscribirse hai que chamar ao teléfono 619 609 797 ou ao correo alcerlugo@gmail.com.
