Alucem organiza unha andaina solidaria no Parque do Miño

A actividade busca sensibilizar e apoiar a loita contra a esclerose múltiple, contando con xogos tradicionais e picnic

A Asociación lucense de esclerose múltiple (Alucem) convidou á cidadanía a participar na súa andaina solidaria no marco da campaña Caminemos por la Esclerosis Múltiple 2025. O evento terá lugar o sábado 27 no Parque do Miño, a partir das 12:00 horas.

Ademais da andaina, os participantes poderán gozar dun picnic, polo que se anima a levar as viandas que desexen. Como novidade, contarán coa participación de Xotramu Xogos Tradicionais Muimenta, que ofrecerá actividades para todos os públicos.

A iniciativa busca concienciar sobre a esclerose múltiple, promover a participación cidadá e recadar apoios para as persoas afectadas, facendo da xornada un encontro lúdico e solidario.