Deportes

A APSX Sagrado Corazón organiza unha semana de adestramentos, competicións e actividades de lecer do 18 ao 23 de agosto para nenos e nenas da comarca da Ulloa

A asociación APSX Sagrado Corazón, especializada na xestión de eventos deportivos, pon en marcha o I Campus de Fútbol “Parque Central de Galicia”, que se desenvolverá do 18 ao 23 de agosto nas instalacións deportivas do Castro Seoane, en Antas de Ulla, un espazo privilexiado na comarca da Ulloa.

O programa inclúe unha semana completa de adestramentos orientados á mellora individual, competicións, multideporte e tempo de lecer nas piscinas. Ademais, está prevista unha excursión a Gandarío para combinar fútbol e praia.

A actividade está dirixida a nenos e nenas nacidos entre 2010 e 2019, e o prazo de inscrición permanecerá aberto ata o mércores 13.